जयदेव जयदेव श्रीमद्भागवता ।
श्रवणें मननें पठणें भक्ती ये हाता ॥ धृ. ॥
वेदांचें हें सार पाहे रसभरित ।
दशलक्षण हें आहे लक्षीत ॥ १ ॥
जयदेव जयदेव श्रीमद्भागवता ॥ धृ. ॥
द्वादश स्कंधामध्यें हरीची लीळा ।
तिनशें पस्तिस अध्ये गाती गोपाळा ॥ २ ॥
जयदेव जयदेव श्रीमद्भागवता ॥ धृ. ॥
अठरा सहस्र श्लोक गाती ऐकती ।
ज्यासी हरीभक्ती त्यासी तत्प्राप्ती ॥ ३ ॥
जयदेव जयदेव श्रीमद्भागवता ॥ धृ. ॥
गायत्रीचें मंत्ररूप हें पाहें ।
परीक्षिति-शुकसंवाद आहे ॥ ४ ॥
जयदेव जयदेव श्रीमद्भागवता ॥ धृ. ॥
भागवतरूपी देवा तूंचि अहेसी ।
करूं ही आरति एका-जनार्दनासी ॥ ५ ॥
जयदेव जयदेव श्रीमद्भागवता ॥ धृ. ॥