वेदांतसंमतीचा काव्यसिंधू भरला ।
श्रुतिशास्त्रग्रंथ साक्ष सांगू केला ।
महानुभव संतजनी अनुभव चाखियला ।
अज्ञान जड जीवां मार्ग सुगम केला ॥ १ ॥
जय जयाजी दासबोधा ग्रंथराज प्रसिद्धा ।
आरती ओंवाळीन विमलज्ञान बाळबोधा ॥ धृ. ॥
नवविधा भक्तिपंथें रामरूपानुभवी ।
चातुर्यनधि मोठा मायाचक्र उघवी ।
हरिहर हृदयांचे गुह्य प्रगट दावीं ।
बद्धची सिद्ध झाले असंख्यात मानवी ॥ २ ॥
जय जयाजी दासबोधा ग्रंथराज प्रसिद्धा ॥ धृ. ॥
वीसही दशकींचा अनुभव जो पाहे ।
नित्यनेमें विवरीतां स्वयें ब्रह्मची होये ।
अपार पुण्य गांठी तरी श्रवण लाही ।
कल्याण लेखकाचे भावगर्भ हृदयीं ॥ ३ ॥
जय जयाजी दासबोधा ग्रंथराज प्रसिद्धा ॥ धृ. ॥