जय जय सच्चितस्वरूप स्वामी गणराया ।
अवतरलासी भूवर जड मूढ ताराया ॥ जय देव ॥ धृ. ॥
निर्गुण ब्रह्म सनातन अव्यय अविनाशी ।
स्थिरचर व्यापून उरले जे या जगतासी ।
तें तूं खरोखर निःसंशय अससी ।
लीलामात्रें धरिलें मानव देहासी ॥ १ ॥
जय जय सच्चितस्वरूप स्वामी गणराया ।
अवतरलासी भूवर जड मूढ ताराया ॥ धृ. ॥
होऊं न देशी त्याची जाणिवा तूं कवणा ।
करुनी गणि गण गणात बोते या भजना ।
धाता हरिहर गुरुवर तूंचि सुखसदना ।
जिकडे पहावे तिकडे तूं दिससी नयना ॥ २ ॥
जय जय सच्चितस्वरूप स्वामी गणराया ।
अवतरलासी भूवर जड मूढ ताराया ॥ धृ. ॥
लीला अनंत केल्या बंकटसदनास ।
पेटविले त्या अग्नीवांचुनि चिलमेस ।
क्षणांत आणिले जीवन निर्जल वापीस ।
केला ब्रह्मगिरीच्या गर्वाचा नाश ॥ ३ ॥
जय जय सच्चितस्वरूप स्वामी गणराया ।
अवतरलासी भूवर जड मूढ ताराया ॥ धृ. ॥
व्याधि वारुन केले कैकां संपन्न ।
करविलें भक्तांलागी विठ्ठल दर्शन ।
भवसिंधु हा तरण्या नौका तव चरण ।
स्वामी दासगणूचे मान्य करा कवन ॥ ४ ॥
जय जय सच्चितस्वरूप स्वामी गणराया ।
अवतरलासी भूवर जड मूढ ताराया ॥ धृ. ॥