माते दर्शनमात्रें प्राणी उद्धरिसी ।
हरिसी पातक अवघें जग पावन करिसी ।
दुष्कर्मी मी रचिल्या पापांच्या राशी ।
हर हर आतां स्मरतों मति होईल कैसी ॥ १ ॥
जय देवी जय देवी जय गंगाबाई ।
पावन करि मज सत्वर विश्वाचे आई ॥ धृ. ॥
पडले प्रसंग तैशी कर्मे आचरलों ।
विषयांचे मोहानें त्यांतचि रत झालों ।
त्याचे योगे दुष्कृत सिंधूत बुडालों ।
त्यांतुनि मजला तारिसि ह्या हेतूनें आलों ॥ २ ॥
जय देवी जय देवी जय गंगाबाई ॥ धृ. ॥
निर्दय यमदूत नेती त्या समयीं राखीं ।
क्षाळीं यमधर्माच्या खात्यातील बाकी ।
मत्संसंगति जन अवघे तारियले त्वां की ।
उरलो पाहें एकचि मी पतितांपैकी ॥ ३ ॥
जय देवी जय देवी जय गंगाबाई ॥ धृ. ॥
अघहरणे जय करुणे विनवितसे भावें ।
नोपेक्षी मज आतां त्वत्पात्रीं घ्यावें ।
केला पदर पुढे मी मज इतकें द्यावें ।
जीवे त्या विष्णूच्या परमात्मनि व्हावें ॥ ४ ॥
जय देवी जय देवी जय गंगाबाई ॥ धृ. ॥