काकड आरती परमात्मया श्रीरघुपती ।
जीव शिव ओवाळीन निज निजात्मज्योती ॥ धृ. ॥
त्रिगुण काकडा द्वैतघृतं तिंबिला ।
उजळीतों आत्मज्योती तेणें प्रकाशला ॥ १ ॥
काकड आरती परमात्मया श्रीरघुपती ॥ धृ. ॥
काजळी तामस अवधें तेज डळमळ ।
अविद्या आवरण अवघें निवालें निश्चळ ॥ २ ॥
काकड आरती परमात्मया श्रीरघुपती ॥ धृ. ॥
उदय ना अस्त जेथें बोध प्रातःकाळीं ।
रामी रामदास सहजीं सहज ओंवाळी ॥ ३ ॥
काकड आरती परमात्मया श्रीरघुपती ॥ धृ. ॥