उठोनियां हो पाहाटें । पाहा विठ्ठल उभा विटे ।

चरण तयाचे गोमटे । अमृतदृष्टी अवलोका ॥ २ ॥

उठा उठा हो वेगेंसीं चला जाऊं राउळासी ॥ धृ. ॥

जागें करा रुक्मिणीवरा । देव आहे निजसुरा ।

वेगें निंबलोण करा । दृष्ट होईल तयासी ॥ ३ ॥

उठा उठा हो वेगेंसीं चला जाऊं राउळासी ॥ धृ. ॥

पुढें वाजंत्री । ढोल दमामे गर्जती ।

होत कांकड आरती । माझ्या पंढरीरायाची ॥ ४ ॥

उठा उठा हो वेगेंसीं चला जाऊं राउळासी ॥ धृ. ॥

सिंहनाद शंख भेरी । गजर होतो महाद्वारीं ।

केशवराज विटेवरी । नामा चरण वंदितो ॥ ५ ॥

उठा उठा हो वेगेंसीं चला जाऊं राउळासी ॥ धृ. ॥