ओवाळूं आरती मदनगोपाळा ।
श्यामसुंदर गळा वैजयंतीमाळा ॥ धृ. ॥
चरणकमल ज्याचे अति सुकुमार ।
ध्वजवज्रांकुश ब्रीदाते तोडर ॥ १ ॥
ओवाळूं आरती मदनगोपाळा ॥ धृ. ॥
नाभिकमलीं ज्याचें ब्रह्माचें स्थान ।
हृदया पदक शोभे श्रीवत्सलांछन ॥ २ ॥
ओवाळूं आरती मदनगोपाळा ॥ धृ. ॥
मुखकमल पाहातां सूर्याच्याकोटी ।
मोहियेलें मानस कोंदियली दृष्टी ॥ ३ ॥
ओवाळूं आरती मदनगोपाळा ॥ धृ. ॥
जडितमुगुट ज्याच्या देदीप्यमान ।
तेणें तेजें कोंदलें अवघे त्रिभुवन ॥ ४ ॥
ओवाळूं आरती मदनगोपाळा ॥ धृ. ॥
एका जनार्दनीं देखियेले रूप ।
रूप पाहों जातां झालेंसें तद्रूप ॥ ५ ॥
ओवाळूं आरती मदनगोपाळा ॥ धृ. ॥