त्रिभुवनमंडित माळ गळां । आरति ओवाळू पाहूं ब्रह्मपुतळा ॥ १ ॥
श्रीराम जयराम जयजय राम । आरति ओवाळूं पाहूं सुंदर मेघश्याम ॥ धृ. ॥
ठकाराचे ठाण वारीं धनुष्य बाण । मारुती सन्मुख उभा कर जोडून ॥ २ ॥
श्रीराम जयराम जयजय राम ॥ धृ. ॥
भरतशत्रुघ्न दोघे चामर ढाळिती । स्वर्गाहून देव पुष्पवृष्टी करीती ॥ ३ ॥
श्रीराम जयराम जयजय राम ॥ धृ. ॥
रत्नजडित हार वर्णू काय मुकुटी । आरती ओवाळूं चौदा भुवनांच्या कोटी ॥ ४ ॥
श्रीराम जयराम जयजय राम ॥ धृ. ॥
विष्णुदास नामा म्हणे मागंतो तूतें । आरति ओवाळूं पाहूं सीतापतीतें ॥ ५ ॥
श्रीराम जयराम जयजय राम ॥ धृ. ॥