उत्कट साधुनि शिळा सेतु बांधोनी ।
लिंगदेह लंकापुर विध्वंसूनी ।
कामक्रोधादिक राक्षस मर्दूनी ।
देह अहंभाव रावण निवटूनी ॥ १ ॥
जय देव जय देव निजबोधा रामा ।
परमार्थे आरती सद्भावें आरती परिपूर्णकामा ॥ धृ. ॥
प्रथम सीताशुद्धी हनुमंत गेला ।
लंका दहन करुनी अखया मारिला ।
मारिला जंबूमाळी भुवनीं त्राह्राटीला ।
आनंदाची गुढी घेऊनियां आला ॥ २ ॥
जय देव जय देव निजबोधा रामा ॥ धृ. ॥
निजवळें निजशक्ति सोडविली सीता ।
म्हणूनि येणें झालें अयोध्ये रघुनाथा ।
आनंदें ओसंडे वैराग्य भरता ।
आरती घेऊन आली कौसल्या माता ॥ ३ ॥
जय देव जय देव निजबोधा रामा ॥ धृ. ॥
अनाहतध्वनी गर्जती अपार ।
अठरा पद्म वानर करिती भुभुःकार ।
अयोध्येसी आले दशरथकुमार ।
नगरीं होत आहे आनंद थोर ॥ ४ ॥
जय देव जय देव निजबोधा रामा ॥ धृ. ॥
सहज सिंहासनीं राजा रघुवीर ।
सोऽहंभावें तया पूजा उपचार ।
सहजांची आरती वाद्यांचा गजर ।
माधवदासा स्वामी आठव ना विसर ॥ ५ ॥
जय देव जय देव निजबोधा रामा ॥ धृ. ॥