उठा उठा हो अंबे माते, जाहली प्रभात ।
दर्शन घ्याया भक्त पातले, उभे तव द्वारात ॥ ध्रु० ॥
पूर्व दिशेला अरुणोदय झाला, मिटली अंधारी रात ।
सकल सुरासुर करिती वंदन, जोडूनियां दोनी हात ॥ १ ॥
करवीर नगरी आनंदली, वाहे पंचगंगा पावन ।
मंगल काकड आरती तव चरणी, करुनी घेई जीवन ॥ २ ॥
उठा जगन्माते महालक्ष्मी, कुलस्वामिनी तू भवानी ।
कृपादृष्टी आम्हांवरी असू दे, हे करवीर निवासिनी ॥ ३ ॥
उठा उठा हो अंबे माते, जाहली प्रभात ॥ ध्रु० ॥