पावला प्रसाद आतां विठो निजावें ।
आपला तो श्रम कळों येतसे भावें ॥ १ ॥
आतां स्वामी सुखें निद्रा करा गोपाळा ।
पुरले मनोरथ जातों आपुलिया स्थळा ॥ २ ॥
तुम्हांसी जागविलें आम्ही आपुलिया चाडा ।
शुभाशुभ कर्मे दोष हरावया पीडा ॥ ३ ॥
आतां स्वामी सुखें निद्रा करा गोपाळा ॥ ध्रु० ॥
तुका म्हणे दिधलें उच्छिष्टाचे भोजन ।
नाहीं निवडिलें आम्हां आपुलिया भिन्न ॥ ४ ॥
पावला प्रसाद आतां विठो निजावें । आतां स्वामी सुखें निद्रा करा गोपाळा ॥ ध्रु० ॥