कोणस्थः पिंगलो बभ्रुः कृष्णो रौद्रोऽन्तको यमः ।
सौरिः शनैश्चरो मन्दः पिप्पलादेन संस्तुतः ॥ १ ॥
एतानि दश नामानि प्रातरुत्थाय यः पठेत् ।
शनैश्चरकृता पीडा न कदाचित् प्रजायते ॥ २ ॥
नमस्ते कोणसंस्थाय पिंगलाय नमोऽस्तु ते ।
नमस्ते बभ्रुरूपाय कृष्णाय च नमोऽस्तु ते ॥ ३ ॥
नमस्ते रौद्रदेहाय नमस्तकान्तकाय च ।
नमस्ते यमसंज्ञाय नमस्ते सौरये विभो ॥ ४ ॥
प्रसीद मम देवेश सर्वपीडाहरो भव ।
शनैश्चर नमस्तुभ्यं छायापुत्राय ते नमः ॥ ५ ॥