ओवाळीतो काकड आरती, स्वामी समर्थ तुजप्रती ।
चरण दावी जगत्पते, स्मरतो तुझी अभिमूर्ती ॥ ध्रु० ॥
भक्तजन येऊनिया दारीं उभे स्वामीराया ।
चरण तुझे पहावया, तिष्ठती अती प्रीती ॥ १ ॥
भक्तांच्या कैवारी समर्था, समर्थ तू निरधारी ।
भेट घेऊन चरणावरी, गातो आम्ही तुझी स्तुती ॥ २ ॥
पूर्णब्रह्म देवाधिदेवा, निरंजनी तुझा ठावा ।
भक्तांसाठी देहभाव, तारिसी तू विश्वपती ॥ ३ ॥
ओवाळीतो काकड आरती, स्वामी समर्थ तुजप्रती ॥ ध्रु० ॥
स्वामी तूचि कृपाघन, उठून देई दर्शन ।
स्वामीदास चरण वंदी, मागतसे भावभक्ती ॥ ४ ॥
ओवाळीतो काकड आरती, स्वामी समर्थ तुजप्रती ॥ ध्रु० ॥